التوهة

يا أرض يا مجمَّعة آدم على حواه مين اللي يمسِك إيد فؤادي ويرشِدُه لو تاه مين اللي يطفي في قلبي نار الشوق والشوق جحيمُه ظليم عظيم الجاه يا أرض يا مجمَّعة آدم على حواه يا أرض يا مقرَّبة جوفي لطريق النار نَبش القلوب حيلة ولّا بقى استهتار والموت علينا حق ولّا الضعيف اختار يلقاه قابيل ويقول لُه: سمي الله يا أرض يا مجمَّعة آدم على حواه يا أرض يا اللي عشقتي ريحة الدم إزاي أكون إنسان ومش مُهتم! وإني أبقى شايفك بتهاديني الهم من غير ما أكون محتاج إلى مواساة؟ يا أرض يا مجمَّعة آدم على حواه يا أرض يا اللي وهبتي لينا الضيق سبتيني ليه مش لاقي فيكي البر مش لاقي حوا ولا التقيت بصديق خايف أموت في التوهة دي مضطر خايف أموت من غير ما أغيَّر شيء وده مش عِتاب يا رب دي مناجاة يا أرض يا مجمَّعة آدم على حواه باحبي في أرضي وقلبي لسه خَضَار وما حيلتي غير عقل اتوهم أفكار نفسي التقي بيكي وأكون لِك دار حتى ولو هنكرر المأساة يا أرض يا مجمَّعة آدم على حواه #أحمد_عدلي

التوهة

التعليقات (5)

التوهة

التوهة

التعليقات (5)