من حوار الضى ويا الندي

انا من زمان وانا نفسي اكتب ليك يا ضحكة حلوة ربنا يراضيك يا نهار وراجع يوم يوزع نور من كل أرجاء الفؤاد تناديك دا من حوار الضي ويا الندى وقت انتصار القلب داق الرضا قلبك تملي يشد ع الأفئدة إن الحكاية مش صلاة ولا صوم اعلى بصوتك ولا يهمك عدى كل اللى شافك ماشي فى السيدة مامنعش روحة تجري بالاحضان القلب أصفى من الدموع والندى انت اللي حر وحابس السجان فرحان بنورك كل هذا الجمع شربات كلامك نشربه بالسمع تبكى وعنينا هى مجرى الدمع الخطبة تبدأ لما تستفتح تخطف عقولنا من الليالي خيول واقف بكبر في الميدان برؤاك تشهد معارك عشتها وياك انا لسه قاعد هنا ولا اتنقلت هناك مديت صوابعك تفتح الشباك الشمس طارحة ف شعرها المغرب علمت روحي أمتى تتأدب علمت قلبي إزاى يكون إنسان يا شيخنا قول من فين نجيب ترياق الروح ف سجن البدن متكتفة بالداء والعمر لابس كفن ومغمض الاشواق ادعي بصوتك للي عاش مقهور أدعي لنا يوم الفرح تلبس قلوبنا النور انا كنت ساكت بس قلبي انفجر مش لاقي اى بديل لو حتى كان من حجر صوت العيال بتموت والصمت أصبح ضجر علمني اثبت قلبي اللى زي الحجر علمت قلبي الفرح لكن الفرح منفعش صدقني يابا انا مش هطير م النعش لسه لي قصة وفيها حدوته لسه لي كلمه ف الزمان الصعب يا جمر قابض ناره في ايديا قالهالي أبويا كأنها وصية لحظة ما شاف المنظر القاسي وفوق كتافه اتسندت راسي املوا القزايز أمل بدل الدقيق والزيت يا أمة حالها اتبدل السجن من غير حيط كل اللي صابه الأجل وعمره راح بالعجل ما سمعش ولا لبيت يا قلب فيه الوجع يا زرع من غير غيط انا لسه ساكت هنا وسكت برده هناك وحياه حبيبك أقفل الشباك انا لسه ماشي في الطريق بخطاك فاكر وصايا قولتهالى زمان الدم مهما جرى برده هيفضل دم واللى ابتلى بالغرام مكتوب يدوق الهم #شعر

من حوار الضى ويا الندي

من حوار الضى ويا الندي

التعليقات (1)

من حوار الضى ويا الندي

من حوار الضى ويا الندي

التعليقات (1)