سامحوني عشان مش بعرف ارد علي رسايل ولا بعرف اجاري القيل والقال ماشي بأفكاري واحمالي وبكل دموعي و أوهامي وبقول ربنا هَيعدِّلها مبتتعدلش ومن فتره علي نفس الحال بستحمل قد ما بستحمل وانهار وانا وحدي بدون تكليف وأجاري الدنيا كأني كفيف مش عارف رايح اصلا فين او جاي من فين وبخبط كل ببان الارض بشكل مخيف ولكني ف آخر هذا الامر مازِلت ضعيف مش زي زمان قادر اقاوم ولا قادر اشوف حلو العالم مش عارف افرق مين مظلوم او مين ظالم من زحمة عقلي الموجوده سامحوني عشان نوتِة مواعيدي مَهيش فاضية كل المواعيد دخلت مع بعض مش قادر أوفي معاكم وعد انا عارف ده بيسبب بُعد بس اعمل ايه ؟! كل الايام Fake مُتشابه وكأني ف مسرح يوميا علي نفس العرض ودا مش إفية سامحوني عشان مش عارف احب فيه ناس بتحب الحب يعيش وانا لما بدوق من حب الناس مش بعرف اعيش مش فاهم ليه الدنيا هتوصل بيا ل اية بنسي ان برغم وجود الناس مشبعتش خالص م التلطيش!! بحلم ب حاجات تخنق فيا ف بقوِّم نفسي ب إعجوبه ودي مش صوره انا عايش جوا الوضع أديلي كتير خنقاني الدنيا وكل يومين بتكسر فيا والنوم اللي انا مش بقدر اكمل فيه لثواني بيجبلي احلام تخنقلي عينيا ف أعيش محبوس بين الاتنين مش عارف افرق بين الحلم و بين الواقع وكأن الواقع قرر يعمل صفقة مع الأحلام ويكونوا ل نفس الخنقة عليا متفقين ف هعيش ازاي وافهمها ازاي سامحوني عشان مش عارف اكون صاحب صاحبي ولا عارف اني اكون جمبك لما ف اوجاعك تحتاجني يوميا بعزق عرقي عشانك يمكن اجيلك وبرغم الجهد المش مذكور مش بعرف اشيلك مش تقل او استنكار من خيرك لكن جوايا حروب مانعاني أشارك سيفي معاك !! سامحوني عشان مش عارف اعبر عن حاجة مع اني بعيش جوايا غابة مليانة أسود م السعرانة فبتاكل كل ما جوايا وبتصنع وِِحده وخوف وبرود !! مش قصدي أطنش او اهمش او رافض نقعد وندردش لكن سامحوني عشان دايما مش عندي ردود .. الحب الروح - اتشاركوا ف ايه؟! في وحيد مجروح - طب والايام ؟! منعاني أبوح ! - طب والأشعار؟ كتباني ف نَص كبير لكن ولا مره بتكتب إني طَموح ! ف لمره اخيره بحرقة قلب انا بطلبها سامحوني عشان مش عارف ايه بيحصل فيا مش عارف اعيشها بحريه وبرغم وجود حسن النيه مش عندي شُرُح #Maged_Yehia #شعر
