- يا ستنا – | مُجتمع

ما بين إيدين الساحه والمنبر حطيت رحالى وسجدتي طالت أنا اللى عمر ما دمعتى سالت عِمْلت دموعى معاهده مع روحي غمضت يمكن التقى جروحي في الحلم لكن الكفوف مالت يا ستنا سامحينى لو خبيت دموعى في المقام عامد هي الرسايل كده وجعانى بالجامد فتقبلي مني الدموع لما الكلام يهجرني ويعاند يا صاحبة المجلس فكى طلاسم دمعتى وقولى يا رب كل اللى همس في دموعى يدعولى ويفك حبس الكلام في الحلق واحكيلك يمكن مرارى اللى ساكن في ضلوعي يشكيلك ولمسه من حضرتك ألقى الجراح طابت ياما ليالى روت مناديلى من دمعي وحيد انا في البكا ووحيد انا ف جمعي كل الجراح انطفت وجراحي بتعافر وجه الوجع سافر ولا أنا نخيت حطيت رحالى جنب باب البيت وطلبت م اللي حضر الحضره يحكيلى ملقيتش وسط البشر إنسان يداويلي جرحى اللي شلته سنين لما الكتاف خارت يا صاحبة الشوري ليه النجوم غارت فوق الورق شكوتي وسط الشقوق دمعي إقرينى من همستى واحمينى من طبعي طبعى اللى وسط البشر خلانى وحداني لا سكه يوم كملت ولا الطريق جاني يوصفلى وسط الضياع كف المقام يمكن لما ارد السلام على ستنا أوصل واسجد ويوم الوصل قلبى الحزين يفرح. #شعر

- يا ستنا –

- يا ستنا –

التعليقات (3)

- يا ستنا –

- يا ستنا –

التعليقات (3)