(عشم إنسان في الجنه؟)

يسألني حلو الماضي عن سر الركود وإزاي مبنسِجش الحروف زيّ المكن يسألني وانا برمي القصايد، والدوافع، والوعود يسألني عن عقلي الفُلاذ اللي إتركن بيرُد عقلي إن الشوارع و البيوت مليانه كل الدنيا بس بدون سكن. عقل البشر وسط الديون والمحكمة كُل السواد المخفي في العالم نما و الناس بتمشي بدون خرايط مُحكمه و الكل بيكمِّل في عمرُه بدون سبيل زي اللي موِّت نفسُه محضرش العزا علشان مكانش بيقتنِع إنُّه القتيل كل اللي تحت الأرض مِن نسل الشجر كل اللي فوق الارض من عيلة قبيل لو صاحبي إبليس اللعين قرر يتوب الأرض جايز تتعدِل.. والكون يئِن أحسن ما جِن مخلّي عالَم راسُه تحت ورجله فوق.. من شيل ذنوب يظهرلي متجسِّد في تفاصيل الغُنا ويقولي وحياة "الأنا" كُل الحروف مغلوطه والكداب صدَق إعرف بإني مليش إدانه على الورق و لا عُمري حسِّيت بالبشر ملمسهُم اِيه! ولا يوم قتلت، ولا إغتصبت، وبتحرِق ساعة ما بشري يشوف بشر و يدوس عليه... "إغزي الشيطان" "ده شيطان وداخل وسطكم" "ساعة شيطان" "هوا اللي وسوس للحروب والكون سلام" هوا اللي بيشوف البشر ياكل معاه لكن مبيردش سلام هوا الحَمَار الناري في عيون الحمام هوا اللي بيقود العُصاه رغّاي ويعرف يقتلَك من غير كلام ومليش في كل اللي اتذكر بصمات تدين "انا ليا ذنب وعيشت بيه طول الزمن.. مرضيش يطاطي الكبر جوايا ورفضت.. اسجد ل طين". لكن مبقتِلش ومبزنيش كل يوم مؤمن برب الدُنيا ومعنديش خصوم وطلبت اوسوس للجميع واغوى البشر لكن هتعمل إيه سموم وسط السموم.. تعرف بقى.. انا مره وسوسلي البشر على شكل روح بعد الطوفان لما انتشر جالي ابن نوح قاللي إنت إيه خلّاك.. تبعد بعيد عنّا وإن كنت نار مطرود في نار ما تولّع الجنّه. واعمل مقابل طردتك وسط الملاك انا قولت اخاف من ربي، مبعديش هناك ولا ليا قدره ارمي الفتيل، ولا حتى اثور أنا ليا بين الكل حواديت مُفجعه مع إني نور ونهايتي وسط النار مابين المُذنبين.. لكن شغلني سؤال و حرفك شدني إنت إبن مين؟ رديت عليه.. أنا إسمي يونس بس عمري ما شوفت حوت أنا أبويا عادل وسط ظلم بدون حدود أنا قولت فيك العِله و أكيد السبب ماهو عُمر حد ما عاش و مات والرُح تُرد بأُمنية.. يتمنى موت.! #أحمد_عادل_يونس #شعر #حب_من_طرف_شاعر

(عشم إنسان في الجنه؟)

(عشم إنسان في الجنه؟)

التعليقات

(عشم إنسان في الجنه؟)

(عشم إنسان في الجنه؟)

التعليقات