قلبك حجر ............. قلبه عليك راح ينفطر ليه البع

قلبك حجر ............. قلبه عليك راح ينفطر ليه البعاد؟ قلبك حجر؟ عامل جماد وانت في خطر ............ شوف الفروع تدبل تموت لما تسيب أصل الشجر ............ يا ابني أبوك هو السند لو يوم تميل لازم عليه راح تتسند قبل البشر ........... عند السجود يدعي بضمير يدعي كتير والحب ليك من غير حدود سيب الجحود ياما صبر ........ كنتم عيال والأب شايل م الهموم حمل الجبال والفرح كان جوه في عينيه لما سمع "إبنك كبر" ......... امتى تلين مرت سنين يا ابني الحياه سكة سفر ياما غلطت وراح غفر ......... والوقت ابوك شعره وشاب جسمه وداب والضهر بان انه اتحنى من كتر ما شال العناء ما لك غنى ده الزرع يحتاج المطر .......... مهما عليت تفضل يا دوب نجم وأبوك هو القمر ......... شوف اللي عابوا لك ابوك وقت المحَن راحوا يسيبوك لكن أبوك تلقاه يجيك لو حتى في وقت السحر ........ عايز تنول كل الرضا ويقول عليك واد معتبر وسط المجالس قدَّمه تهتم بيه وتهندمه واوعى تقاطعه في الكلام ولا تعايره بالعلام ويّا أبوك تحلى السهاري والسمر .......... واوعى تعلي في يوم عليه صوت ولا إيد لو كان أبوك راجل بسيط منه يا واد لا تتكسف بفضله لازم تعترف غاب أو حضر ................. ✍️ توني الجندي من ديواني الأول بيتنا القديم

المنشور

التعليقات (6)

المنشور

التعليقات (6)