.. في يوم وفاة أمي حصل اللي عمري ما توقعته أو تخيلته .. وحقي

.. في يوم وفاة أمي حصل اللي عمري ما توقعته أو تخيلته .. وحقيقي مش قادر أنسى اليوم ده وتحديدا لما نزلت ادفنها في القبر، شفت وقتها مشهد صعب أوي! ..أمي اساسا بدينه وضخمة لدرجة اننا جبنا ليها كفنين علشان يقضّوها ويستروها والخشبة مكانتش تسعها واحنا شايلينها في جنازتها.. لكن وأنا بدفنها لقيتها وكأنها طفل صغير جوا المقبره! .. مبقتش مصدق واعتقدت انو بيتهيألي ان جثمانها بقي في حجم علبة الكبريت ، وقتها ربنا ألهمني تفسير المشهد العجيب دا إن دي دعوة صابت بأن يوسع قبرها ومُدخلها وتظهر في هذا الحجم الصغير! .. من وجعي علي موتها مقدرتش أنزل القبر في الأول ادفنها ، رغم أني مشهور بين قرايبي أني أسرع وأشطر واحد في دفن الموتي .. لكن في دفنة أمي كان صعب عليا، ولما أوشكوا يخلّصوا إجراءات الدفن وف آخر لحظة مقدرتش ما أودعش أمي وما أنزلش قبرها وهي بتتدفن . . . معرفتش تفسير الموقف دا غير لما محمد أخويا بعد وفاة أمي ب 6 شهور في مرة كان منفعل على شخص ما وقال له " دا انا أمي كانت زي علبة الكبريت وانا بدفنها في تربتها". . . الكلام رن في ودني وناديت عليه وسألته انت شفت ايه في قبر أمك؟ قاللي شفتها زي الطفل والقبر كان واسع عليها، وحكالي اللى انا شفته حرفيا!! . . في اللحظة دي كلّمت ربنا وقلتله ان دي رسالة منك علشان نطمئن عليها بأنها في معيتك وبين ايديك! .. اقدر اقولك ان أمي عايشه معايا لحد دلوقتي وقاعده جوه البيت عندي .. أمي جسدها اندفن لكن عايشة معايا، وطول الوقت بكلمها وآخد رأيها في كل حاجه ولحد دلوقتي!! . . انا من باب الخلق وجار الأزهر وسيدنا الحسين وكنت من مريدي مولانا الشيخ صالح الجعفري واتعلمت من بدري إن لازم يكون لك سر مع ربنا ممكن يخلى حياتك أحلى بكتير أوي . . وعلاقتى بربنا علاقة ونس واطمئنان ومحبة ووصفها مفيش كلام في اللغة يقدر يوصفها … ربنا هو أنيسي وونيسي وحبيبي ومولايا .. وأخاف لما أغضبه أو أزعلّه! .. انا لمّا بكلم ربنا بقوله "انا آسف حقك عليا .. حقك عليا لأني بعصيك .. و اقدر أقولك كمان اني مش بخاف من ربنا .. انا بس محرج ومكسوف منو ! ( الإعلامي القدير محمود سعد لبرنامج " كلّم ربنا" على الراديو 9090) #في_الهامش_مع_احمد_اشرف

المنشور

التعليقات

المنشور

التعليقات