أخر سطر

على قد الحرف اللي كتبني بقول فى الشعر حروف لسَّايا ساكني شرود بالليل لسَّاه الحرف بيوصف فيَّا الخوف على قد الصبر مليت الكاس وشربت المُر وكُلي إحساس وكأني بعاود فيه الأنفاس فتقوم الفكره وتيجي تشوف ودا وش كسوف والحال مكشوف للكل عَيان العجز فى وسط الموج بيبَان لو مركب عقلك عالق جوا الموج وشراع المركب كان عَيَّان الدفه حتدف بيك للقلب في وسط اليم غرقان في همومك شِبه غريق فى الموج أدي اول فوج والرحمه هتيجي فى آخر سطر والقطر اهو فات بعد الثلاثين وحروفك واقفه على التنوين وفي أخر سطر الحاله سكون وسكونك يشبه وقت غروب والشمس تغيب فيغيب عن عينك كل الكون حرفين للشد يعيدوا الجزر فيجي المد يشد الروح وبرغم جروحك المركب توصل اول شط وكام موجه هتيجي تغيَّر حال البر وقلب البحر طب فين النهر فى كل الموج العالي علينا كم مره يبان فى الحلم ويفرض خيره علينا أهو قالوا عليه بالخير بيعُم الكون والحاله سكون وأدي اول جمله واخر سطر ماليه القر يكفيك الشر يكفيك الشر من عين بتصيب فتجيب الأرض لقلب القبر وتهلك كل جمال العين ‏هتقول كان قاعد فين ‏هتقول ساكنين على أول شط ‏أول ما يشوفك ماشي سعيد ‏يرسملك خط ‏وادي اول واحد شط ونط وعدا الخط وجوا عيون الشر أهو حط ‏والواقع فينا لاخر سطر ‏يشبه الاثنين ‏حرفين بسكون والشده فى اخر جمله تكون حرفين ‏أنا رايح فين؟ ‏وادي اخر سطر! ‏ ‏#آخر_سطر #كرم_محمد_حربي #شعر #قصيد #مجتمع #عامية_مصرية

أخر سطر

التعليقات

أخر سطر

أخر سطر

التعليقات