ساعات

ساعات ... ______________________ مبقتش أحب الكلام مليان عتاب ، ومليان ملام حتى السلام ... مبقاش راضي فقلبي يبات ولقتني عاشق ده السكات وساعات ... أنا ال قلبو متوضي بنور بروح حانات ، وبروح بارات وبغني ويا زماني ال فات وبعيش فحلم، وذكريات وبتوه ، وبعشق توهتي وببات وساعات ... بلملم جوايا شوية حجات واغزل أمل ، وحلم تاني ، وأماني ينور طريقي ، من ده شتات وبخاف ، لليلي يطول وحيد مع دقة الساعات وساعات ... بشوف الكلمة فجر ، بيأذن وبينادي قلبي ال مات ... وساعات ... بدور زي مجنون على حلم فات قهرني بغيابه ، وبسكاته، طلع زيي تمام عاشق السكات وياما ساعات ... بقول أشعار ، وبغزل بقلبي وحرفي نهار بلون الورد ، تحلف ده قلب وحي ، وجاله الوحي ، بينثر محبة وخير ، بيسعد تملي الغير ، بينسى الألم ، وإنو اتظلم وعاش فثبات ... تصدق غناه وتصدق دعاه ويمكن كمان تهواه ولا تصدق إنه مرة فيوم مات وساعات ، وساعات ، وساعات وعمر ، ولى وفات مابين حنين وآهات لسالنا، باقي شوية دقايق ولا شوية ساعات ولا أيام وسنين ، الله أعلم هو رب الحياة ، والممات #نهر عاطف الدرامللي #شعر #مجتمع #قصيد #الواي_فاي #في_الهامش_مع_احمد_اشرف #رمضان #حمدي_الروبي #همام_صادق_عثمان

ساعات

التعليقات (2)

ساعات

ساعات

التعليقات (2)