عتاب

عتاب... __________________ ياست الحسن ياقافلة بيبان القلب بمية مفتاح حلم أنت وقمر أنت بليلي عمره عني ماغاب جرح ونازف عمره ماطاب عقلك ، أو صمتك هو أل قتلني ورماني فبحر الحيرة ومن غير أسباب أنا ليا حدا قلبك يجي كده ألف عتاب قدامك ليه بنحس كتير إننا أغراب كام مرة سألنا ، واستفسرنا، ولا جالنا فمرة جواب ده أنا قلبي علشان قلبك عمل أراجوز ، يلاعب نبضك ويدادي فيه ، لكن قلبك وكأنه معمول له ألف حجاب عمل شاعر ألف ألف كتاب وعلشان دفا قلبك عمل حطاب يجمع لهفة ،وشوق ، وحنين ويغزل حب بريء القلب عمره ماتاب حارس واقف على الباب لو حس بألمك يبكي كأن دموعك نار بتدفي كأن رجوعك فجر مصفي قولنا نوفي ، جايز ، يمكن نكون أحباب ولما فمرة ناديتك وناديت قلبك مترددش يقولها ، جايز متقاله بحنية وذوق لكن هي حقيقة ، إننا أغراب وحقيقي أنا ليا عندك ألف عتاب مش كنت تقولي بكل صراحة سبتني ليه أعيش فعذاب أبدا عمري ماقول على قلبك كداب ولا ليا عنده حساب وإن كنت بعاتب فبعاتب قلبي أنا قبلك أصله ظلمني ، أصله آلمني، عمر بحاله ، عايش ومعيشني في دنيا خيال وسراب ياعم القلب أهو شاب النبض أهمد عاد ، وأكبر عاد ولا عملي فيها شباب متقوليش حب حبك أكبر ذنب وحدك راح تتحمل وجعه وحدك راح تتحاسب ع ذنبه قلبها رسم الصورة خلاص لا وفاء ولا إخلاص، ولا حتى عتاب أنا وأنت مش في البرواز أرجوك خلينا مرة عزاز حتى لو عشنا الباقي أغراب #نهر 6/3/2022 الأحد 1:30فجرا #شعر #مجتمع #قصيد #الواي_فاي #في_الهامش_مع_احمد_اشرف #رمضان

عتاب

التعليقات (6)

عتاب

عتاب

التعليقات (6)