بما اني معلق صوتي 🎙️

نصائح التعامل مع أول عميل… وأول صدمة فاكر أول مرة جالك عميل حقيقي في الفويس أوفر؟ كنت متحمس جدًا… فتحت المايك، قفلت الباب، عملت إحماات صوتية، وقلت "أنا هفجر الشغل النهاردة". سجلت بكل إحساسك… سلّمت… واستنيت كلمة "واو". لكن اللي رجعلك كان جملة كسرت الحماس: "الصوت حلو… بس مش اللي كنت متخيله". في لحظة حسيت إنك مش قد المجال… أو إنك ما تعرفش تشتغل. لكن الحقيقة مختلفة تمامًا… السر مش بس في صوتك… السر في تحضيرك قبل ما تقول أول كلمة. أنا هنا هقولك 5 نصايح من ذهب عشان الموقف ده ما يتكررش: 1️⃣ إسأل أسئلة ذكية قبل ما تسجل قبل ما تفتح المايك، لازم تفهم العميل بيحلم بإيه. إيه الإحساس المطلوب؟ حماسي، رسمي، حزين، دافئ؟ مين الجمهور اللي بيوصل له الإعلان؟ شباب، أطفال، رجال أعمال؟ إيقاع الكلام: سريع ومتحمس ولا هادي وموزون؟ الأسئلة دي بتوفر عليك إعادة الشغل، وبتخلي العميل يحس إنك فاهم أكتر من اللي كان متوقعه. 2️⃣ اسمع قبل ما تتكلم مش كل عميل بيعرف يشرح اللي عايزه… لكن لو سمعته كويس هتلقط الحاجات اللي مش بيقولها بالكلام، لكن بيقولها بطريقة كلامه ونبرته. 3️⃣ اعمل دايمًا نسختين أو تلاتة حتى لو العميل طلب نسخة واحدة، قدمله 2 أو 3 بأسلوب مختلف. ده بيخليه يختار وبيوريه إنك مرن ومبدع. 4️⃣ جهّز عقلك قبل صوتك الإحماات الصوتية مهمة، لكن إحماات دماغك أهم. اقرأ النص بصوت داخلي، تخيله في مشهد، حسّ كل كلمة قبل ما تسجل. 5️⃣ خلي المايك آخر خطوة مش أول خطوة كتير من المبتدئين أول ما يفتحوا المشروع يمسكوا المايك على طول… لكن الصح إنك تذاكر النص، تفهمه، تجرب أداءات مختلفة، وبعدها تبدأ التسجيل الفعلي. 📌 الخلاصة: العميل مش بيدفعلك على صوتك بس… بيدفعلك على خبرتك وقدرتك تخليه يوصل لهدفه أسرع. #في_الهامش_مع_احمد_اشرف

بما اني معلق صوتي 🎙️

بما اني معلق صوتي 🎙️

التعليقات (1)

بما اني معلق صوتي 🎙️

بما اني معلق صوتي 🎙️

التعليقات (1)