قعدت لوحدي ك العادة طلبت القهوة جت سادة اخد وادي مع نفسي تقوم تعايرني بغتاتة قطر العمر كان غشاش وكل محطة في اعادة امل وسذاجة في الاول في ديلهم خيبة ولادة وكل محطة عديتها خدت من عمري زوادة وباقي العمر مش باقي وكل الدنيا متفاتة شربت الوهم م الايام وسقت ف عشمي ب زيادة لحد ما فوقت من وهمي في ايدي ميدالية وشهادة بأني سبقت كل الناس ف رمي الطيبة ب إجادة وجالي ف طرد م الاندال جواب فيه شكر واشادة وكل فوارغ الطيبة لاجل أملاها ك العادة واعود من تاني وارميها وتفضل قصة متعادة لكن بطبيعة الاحوال وحكم السن يا سادة ضروري يغيروا الأبطال فشافوا غيري ب بساطة بقيت وحداني من تاني وشرب القهوة بقى عادة مرار القهوة كان مضبوط ومُر الوحدة فيه زيادة .. #حانة_الشعر #عامية #قهوة_سادة
