أنا لما شوفتك تايها فى ايدين الحرس ضرب الجرس خليك بعيد نوبة خرس هجمت على قلبى الجرئ اصلى برئ ومحبش أمشى فى طريق داسه العسس بصيت على عيون الصبيه كانى ديب أو ضبع هايج مفترس ضحك البعيد ورماها فى ركن الحكايه - افترس - قالهالى بالعين الشمال لم العيال حواليه وطاح الليل براح وانت وحيده وأنا يا قمارى البلاد حتة ولد مصلوبه روحه ع الجدار آخر كلام العشق كان من كام ربيع كل البديع اللى اف كلامى من ساعتها مختلس كل الحروف متجمعه من غير غِرا هبة نسيم حطَّوح المرسوم على ورق المحبه تنقلب دعوة حداد فكى ضفايرك يا حبيبتى لخبطى روجك قطعى الفستان على صدرك خربشى جيدك أنا مش وَليِدك أنا ديب ولازم يثبت الحاله. #شعر
