مش كفايه الدمع فوق صوت النهاية

مش كفاية؟ مش كفاية الدمع فوق صوت النهايه ولَّا افتعال المشاكل والأذى، اصل الحكاية مش كفاية الكذب من اول خبر جايلك حكاوي فى الطريق، بس ياريتك تعتبر شوف القصص، مرسومه فوق كل الحيطان دمع المشاهد شَكِّل الغيم والدُخان شوف الشواهد، عد فيها شوفت كام؟ بين السطور.. فاضل حروف يسرد حكاويها الخصام باقي التفاصيل اللي بيها، بيكمل المشهد تمام لو بتعرف تسمع الصمت فى عيون الناس هنا هتبكي الحروف بالدم فوق صفحات الكتاب، وأنا! آااه أنا. أنا لسه عايش فى الزمان الماضي برسم مشهدي ليه يا بلدنا فوق ارواح شبابك بالخطيئة بتشهدي مين اللي قال ان الضنىٰ فى حضن أمه بيعتدي ومين اللي قال إن الأذي من خوف ولادك يبتدي طول عمره شارد، بس كان فارق معاه المُبتدىٰ من قصتك، والمنتهى كان السبب فيه قسوتك شارد، ولكنّه إهتدى وقت إحتياج الأرض، قامت شَدِّته وف قلب منها وفي التراب كان ضَمِّته. دوَّر تلاقي في سكتك سبعين طريقه للهروب لكن؛ قصة صمودك والحلول فيه مشكله بعد الوضوح اللي في ملامح كُل بيت كان السُّكات اللي فى ملامحك مشكله بدأت حكايتك وف طريقك للسلام ممكن تفادي الأسئله! لازم تلاقي ليه جواب يشفي روحك ويطرح لك دليله بأمثله لأ؛ مش كفاية الدمع فوق صوت النهاية ويستحال الدمع يرسم وجهتك كل الحروف من دون معاني فى قصتك لو لسه تايه فى الطريق ، مين هيرسم وجهتك؟ ولفين هيوصل صوت مداه، حرفين معاهم رسمتك. #كرم_محمد_حربي #عامية_مصرية #مجتمع

مش كفايه الدمع فوق صوت النهاية

مش كفايه الدمع فوق صوت النهاية

التعليقات

مش كفايه الدمع فوق صوت النهاية

مش كفايه الدمع فوق صوت النهاية

التعليقات