الحال اهو عال والعال احوال والدنيا دورين تبقى كريمة وبقيت الادوار على قد الحال .. من اول دور وانت مفيش عندك غير هو سؤال مين فرق ورق الكوتشينة وازاي توزيعة عشوائي خلت في نصيبك كل الاوراق منغير الوان منغير اشكال .. مش ده الاشكال اهو دور وح يخلص ويعيدوا من تاني التوزيع وتلاقي اللي اشترى ب يبيع واللي كان كلامنجي وقوال بيقفل كل المواضيع وتشوف المنطق ب يضيع الشهم ح يتسمى وضيع ويقولوا فيه اوطى خصال وحلانجي بينصب ويصيع هيغنوا في كرمه ١٠٠ موال .. وفي اخر الدور ترجع تستنى التفريق وتبني على الجاي آمال ح تلف الاوراق وتدور وتِولد عندك تصديق إن الحظ عليك ب يضيق ف هيقصر عشمك اطوال ويقلل شغفك يا صديق وتصيبك لحظة ادراك إن العيب مش ف الاوراق ولا توزيعها فيه إشكال وتشوف إن العلة جواك كونك واد لعبي وفراك مش راضي في كل الاحوال .. #عامية_مصرية
