اسمه مش زي الاسامي صورته غير باقي الصور قلبه فيه اطيب معاني شهم مش زي العِرر واد حليوة واسمراني طوله من طول الشجر لو ف يوم الشوق نداني كان يقاسمني السهر مهما زاد بعدي ومكاني كان بيحلاله السفر ولو ف ليلة عتمة جاني وشه كان يبقى القمر كان يشغل لي الاغاني اللي ب تحلي السمر ياما قاسمني كلامي ياما شاركني الحَجَر بس صابه داء زماني زي ما صاب البشر فوبيا من ترك المباني وصدر حساس للسهر والمصيبة انه يعاني وعقله بيداري الخطر كل سهرة على التوالي يقوله عادي لو اعتذر ب يحلي لعينيه الثواني ويخبي سوءات الضجر كذب عقله بلا تواني خلى عود عزمه اتكسر جيت اعاتبه قام جفاني روحت اقابله ما حضر عيني ضاق بيها منامي وبالي للراحة هجر نظرت للركن اليماني ورفعت ايدي في السَحَر ربي يا عاطي الأماني يا رازق الدود في الحجر رُد صاحبي إليا تاني او عين يا ربي ع القدر .. #عامية_مصرية
