أبجديات

أ: اختارت كل الناس مع إني كنت أولى ب: بورت أرضي عشان أرض الغريب أغلى ت: تبّت إيدي فـ إيد مكانتش تستاهل ث: ثار الزمان على طيبتي و نعتها بالهبلة - ج: جرّبت امشي فـ سكك ماعرفش إيه آخرتها ح: حاولت احرّك بَرك بدموع عينيا مليتها خ: خبّيت خسايري ولكن الدنيا كشفت أمري د: دابت كعوبي هروب ماعرفش هاوصل امتى - ذ: ذنّيت كتير ع الدنيا تضحك لي مش تفتري ر: رفّيت جنيه منزلش، في حد ناشله وِ جَري ز: زارني فـ يوم الحب، علّقني بيها وفارق س: سنين بحاول ابيع.. قلبي مفيش مشتري - ش: شكّيت فـ نفسي لكون سيء فـ كل قصص ص: صفيت فـ دمي لكنه فـ عروقي عمره ما نِقص ض: ضحيت براحة بالي، عقبالي لما تضحّوا ط: طول عمري عايش رهن.. الحظ يشتي بِـ فُرص - ظ: ظنيت هلاقي الموت هيجيلي لما اطلبه ع: عرّيت جروحي لناس ماعرفش ليه بيهربوا غ: غنّيت عشانكوا لحد مبقاش فـ صوتي احبال فـ: فضيّت دموعي كلام والشعر ما أعجبه - قـ: قررت افضل اكتب لحد شعري ما خلص ك: كلمت تاني الموت موافقش برضو الغلس لـ: لحّيت عليه مرضاش، كتبت له ماقراش م: مستحلي ليه منظري، اخف يوم وانتكس - نـ: نعيت فـ نفسي لحد .. ما يجيي يوم ينعوني هـ: هجّيت فـ أوضتي عشان .. لما أموت يلقوني و: وصيتي مش عاوز غير بس يوم الجمعة يـ: يلموا بعض وآلاقي .. حبايبي جم يزوروني #شعر #مصطفى_محمود_إبراهيم

أبجديات

التعليقات

أبجديات

أبجديات

التعليقات