وصايا الأم

فاكر وصايا الام كانت تحوش الهم أردب ما يهمك مالك ومال كيله؟! تحرق هناك دمك تحتار كده في شيله الكحل شوفه جبال مفني وبالمرود وسنين بتفني المال لو ما بيتزود حجر وداير لف لابد من لطشه ادعيه يا ولد تتعف وخف كمان بطشه ما فيش يا واد شبعان بيفت للجايع واللي في ناس عشمان حلمه يكون ضايع ماكر هيسرق جرن قبل الحصيدة مات لا شاف خبيز الفرن وجوَّه قبره بات كتر في قولة لع ما تجيش في يوم تندم فقير وتدلع يبقى يا تقل الدم سألته وبإعجاب هادي ومتربي جاوبني ع الأسباب نعمة ومن ربي أمك تحنن فيك وفي قلبك القاسي عمّالة بتوصبيك أختك وليه ناسي؟! امشي عدل يا واد يحتار عدوك فيك بلاش تسوقها عناد وربنا يكفيك في ناس بتاخد صقر وتدبحه وتشويه شافوا حداك الفقر فنزلوا فيك تشويه الجحش لو مكار يعتر وبزياده في المكر له أفكار ما يسيبها بزياده اللي ما يتعلمش أغلاطه تتكرر من يدّه ضاع القرش وحلقه متمرر ولشمعتك داري هتلاقي نورها يقيد عينهم هنا في داري أساتذة في التنقيد يدّك وحاسة بيك تمسح أكيد دمعك مش كل من جنبيك تقول عليه ده معاك لو من قزاز بيتك لا ترمي ناس بالطوب ع الأصل ربيتك والكل فينا عيوب قالوا تعيش هتشوف في المشي شفت اكثر ممزوج وويّا الخوف سفرات نشوفها اخطر قبل الطريق تختار صاحب يكون شاري جنبك وفي الاخطار يحفظكم الباري اوعى تبيع أهلك لو حتى بالغالي من بعدهم تهلك جيبك يكون خالي حافر حفر للغير واقع يا واد فيها جسمك ملاه تكسير عشان موطيها مش كل شيء يلمع يبقى دهب أصلي لما تجي تسمع لازم كلام أصلي عملت نفسك جسر اتحمل التدويس بالعكس خليك نسر لا يخدعك إبليس ...........

وصايا الأم

التعليقات (2)

وصايا الأم

وصايا الأم

التعليقات (2)