مسكين بتعاند فيك دنيا وحياة قبل ما تنتهي ماساتك تبتدي ماساة الستر يا دوبك بيكفي وعايش ب غطاه وأول ما رصيده بيخلص بتقول لله حبك لو زاد ب قلوب الناس برضك محدود أصحابك مثلا كم واحد فيهم وياك مبسوط؟! كام واحد لما تضيق الدنيا معاك تلاقيه مضبوط؟! الحب والجدعنة ارزاق بتصيبك من فضل الله احسب مهما ح تحسب صدقني مش فارق الازمة لو هتطول او تقصر حتما ح تفارق الحسبة مش هتنول منها غير بال مش رايق وشوف كم مرة يأست م الحل وجالك من عند الله سيبك من كتر التفكير واسعى والمركب ح تسير افرد جناحاتك لما تهب مآسي الدنيا وطير انزل وسط الناس وبلاش تبقى للوحدة اسير وحياتك واللهي راح تحلى لما "تسيبها على الله" .. #عامية_مصرية
