لسة النَفَس بيقول إنك يا صاحبي حي نظرك كمان معقول عينك ماليها الضي النبض مش بطال والقلب ملهوش زي عقلك كبير موزون مش زي باقي الحي كل الفحوص بتقول إنك سليم يا خي ومفيش سبب عضوي ح يفسر اللي جاي هتحس حبة يأس ب تطوي حلمك طي وغمامة فوق عينك ح تطفي فيها الضي وضمور يصيب القلب وعزم ني في ني وطعم بكرة مرار ح يكوي عمرك كي كل اللي هنا زيك ميت في صورة حي لم ينجو منهم احد غير اللي سابو الحي .. #عامية_مصرية
