سألت المحسنين قالو دا فاعل الخير هنياله واجر اللي يساعد الناس هيقبض مِنه في عياله وبخت اللي بتِدي ايديه احسن م اللي واخداله ودعوة اللي حَس ال آه من حظ اللي جبهاله وقالو قبلنا وعادو على اللي الظلم يحلاله وقابل كل الوانه وراضى ب كل أشكاله ح يعزف لحنه ويطبل ويتغنى ب مواله وواحدة بوحدة يشبهله ف كل كلامه وفِعاله لحد ما يقوى على ايده و يعمل كل ما بداله ح يجي اليوم ويتندم وتبكي نفسه على حاله لما يبص في مرايته واثر الظلم في هزاله يقول ياريته ما شافه ولا قربله وسعاله لكن فات للندم وقته وساعة موته جياله ..
