الدنيا الحلوة بقت فكة وانا تايه مش لاقي السكة العمر بيجري وم

الدنيا الحلوة بقت فكة وانا تايه مش لاقي السكة العمر بيجري ومش هامه والحضن محدش ب يضمه .. العين ب تخبي وب تداري والحزن ملازم مشواري مش عارف اغشه او أخُمه زي العيل ماسك ف أمه .. القهوة مبقيتش تسهر وسجايري معدتش ب تقدر على نشل مزاجي من غَمّه واليوم ب يزيد تعبه وهَمّه .. الفرحة ف قلبي مكسورة البسمة يادوب وقت الصورة بفرد ألبوم صوري وألمه وأضم سراب عمري وأشِمّه .. الكون مُتَدَاعي وب يصارع وخيالي أسود م الواقع حتى سريري لما ب أضُمه كوابيسه اطول من حِلمه.. خزان الصبر بقى فاضي وبحايل بكرة ومش راضي يسقيني شوية من وهمه ويقول بكرة حلمي يتِمّه .. .. #عامية_مصرية

المنشور

التعليقات

المنشور

التعليقات