عرفت لوحدي أنا السِكة وههجر قعدة الدكة مفيش تعليم بدون خبرة وياما بتنفع العشرة في فرز العالم السَكة قابلت كتير ف مشواري وياما احترت في قراري ما بين الفلصو والفضة لكن بالصدمة والخضة بقيت استاذ في مِعياري الحياة كت مدرسة والظروف رفتني رفة والوشوش المخلصة كت تعدي عليا صدفة القدر منغير حذر ف شرّ البشر لففني لفة قلبي احتمل عنده امل مهما حصل يوصل ل ضفة قلبي شاف كل الجراح ياما داس عليه وراح اللي دوقهم حنانه اللي عيشهم امانه وخيره كان ليهم مباح ومرِّت فترة التوهان بقيت قادر على النسيان ومهما خان فيا اللي راحو قلبي عدى فوق جراحه ووصل خلاص بر الأمان .. #عامية_مصرية
