تفاصيل المنشور

يارب.. عشمان في قطرة ندى تنزل على قلبي الحزين تسقيه وترده يرجع حي يارب.. جيتلك أهو وإيدي مديتها عبدك وتايه والشيطان أغواه وسوس ولما طاوعته سلمني للفرقة وللتوهة ووحدتها يارب.. ضليت طريقي ووحدك الهادي فاهدي الخُطا واكتبلي فيها نجاة جايلك يارب والعشم خدني فانفخ في روحي ترد فيها حياة يارب.. تايه لوحدي والساعات قاسية قلبي اللي كان باللمة متحاوط بقى فجأة وحده والطريق ضلمة عبدك غريق والدنيا ضاقت بيه والآهة مكتومة في حلقه من فترة خايف يسيبها الخلق تشمت فيه يارب.. الضحكة راحت والصحاب ملّوا وحيد يارب ماليش حبيب إلاك لفيت ودُرت مالقيتش غير بابك مفتوحلي دايمًا ولا عمره مرة اترد خايف يارب خايف أموت وأنا قلبي لسا بعيد خايف أعيش وأنا لسا مش شايف نور طريقي واكتبلي عمر جديد يمكن تاخدني ساعتها مش خايف