تفاصيل المنشور

السلامُ عليك يا صديق. "رمضان دا البداية" _أنا عارف إنك مش فاهم.. هوضحلك متقلقش. ليه ربنا جل جلاله عمل لنا شهر رمضان؟! سؤال غريب بس تعالى أقولك ليه بإستفاضة أكتر. رمضان الرحمة والمغفرة والعتق من النار..، لا مش بس، رمضان زي إنك في سباق طويييل ومحتاج ترتاح شوية زي مثلًا لما سيارة تكون في سباق وتقف تعمل صيانة في مكان محدد علشان تقدر تكمل حتىٰ تفوز، طيب مفيش صيانة!، يبقى مفيش فوز. _يعني رمضان شهر تجدد فيه إيمانك وتضبط وتهذب نفسك في العبادة وتصححها علشان تفوز بالجنة بإذن الله. أحمد عامر في بودكاست "وعي" قال شيء حقيقي وهو: "فيه رمضان هيكون هو بداية الإستقامة". لو لسه مجاش رمضان تستقيم فيه فكمان كام يوم هيكون رمضان؛ تعالى نواظب على الصلاة في وقتها، تعالى نبطل شتيمة، تعالى ننهي العلاقات اللي مليانة معاصي وبتقسي قلوبنا، نوقف أغاني، نبدأ نشوف قُراء صوتهم حلو، نقرأ قرآن ونفهمه ونصوم عن كل ما يغضب الله، ونطلع من رمضان تمام التمام وقد الدنيا ونسابق العباد على الطاعة. أحمد نشأت آل بكر.