النرجسية تدمير للذات

1- هتلاقيه في اول فترة بيحاول يبهرك بحبه واهتمامه وتبقي لسة عارفه من يومين ويتكلم معاك عن الصداقة والحب والمستقبل وانك أفضل من هم على الارض وانه خلاص رسم حياته معاك من اول يومين. 2- مش هيهمه عدم قبولك ليه او عدم ارتياحك اهم حاجة عنده ان الحاجة اللي عايزها يوصلها هيفضل لازقلك حتى لو عارف انك مش متقبل وجوده، علشان يثبت لنفسه انه ميترفضش 3- الشخص النرجسي شخص متجسس يحب يتجسس علي الناس ويرمي ودانه ويدور ورا اللي حواليه علشان يمسك عليهم اى حاجة. 4- مش سايب الأمور تجرى في مجراها الطبيعي عايز يكون قريب منك أكتر من كل اللي حواليك . 5- بيظهرلك انه اكبر داعم ليك ولطموحك واهدافك بس لما تقرب قوي هتكتشف انه اكبر حاقد ومتربص. 6- بعد ما يقرب ليك قوي هيحاول يجردك من الناس اللي تعرفهم علشان تبقي تحت سيطرته. 7- ملك الصعبانيات والشحتفة لما حد يغلطه في أي حاجة ويتحول لكائن مكسور يقطع قلبك من شكوته. 8- هتلاقيه انسان فارغ وفاضي من جواه معندوش حياة، كئيب وممل بيختار دايماً المميز علشان يكمل نقصه ويتباهى بيه وسط الناس. 9- شخص بيئة في أغلب الأحيان بيتعامل مع الناس كأشياء يستفيد منهم بإيه هو عايزك علشان انت عندك صفات تعوضله النقص اللي في شخصيته او في تربيته مش حب ولا صداقة. 10- انسان فضولى عايز يعرف كل تفصيلة حتى لو ما تخصوش لكن هو دايما ما بيحكيش عن خصوصياته لأي حد لأنها ما تشرفش. 11- كداب في كل حاجة لدرجة انه بيكدب الكدبة وبيصدقها كل تفصيلة حكاها في حياته كدب من كتر ما عاش في الكدب ف بيصدق كدبه وبيخلق منه واقع 12- انسان متصنع مش علي طبيعته كأنه روبوت من غير روح كل حركة بيعملها حاسبها ومفكر فيها قبل ما يعملها. 13- يتعكنن لما يشوفك مبسوط وناجح وعايش حياتك، يحب يشوفك مكسور ومحتاجله، ضحكتك وحبك للحياة بيستفزه وبيحسسه انه مش محور الكون. 14- اهم حاجة صورته قدام الناس كل الناس اللي برا شايفينه طيب وكريم وبيعمل خير لكن مع اهله واقرب الناس ليه بخيل وكئيب وبيخلق مشاكل علشان كدا مهما تقول للناس اللي برا عن شخصيته الحقيقية محدش هيصدق. 15- عين النرجسي كلها خبث خالية من المشاعر كإنها عيون ميت. 16- دائما بيعمل إسقاط لعيوبه عليك يعني تلاقيه كداب وعايز يقنعك انك كداب، تلاقيه خاين ويشك فيك طول الوقت، يبقى أبخل خلق الله ويقولك انت اللي بخيل، دايماً بيحاول يهز ثقتك في نفسك. والخلاصة أن إحتناب هذه الشخصية النرجسية هو نصر مبين حين تنزع من نفسك العلاقة التي قد تؤذيك وتتجنب المشاعر السلبية التي قد تنال منك.

النرجسية تدمير للذات

النرجسية تدمير للذات

التعليقات

النرجسية تدمير للذات

النرجسية تدمير للذات

التعليقات