تفاصيل المنشور

خلاص… النور نور

العتمة ماتت مقهورة

وسنين الشوق المغدورة

صحيت على زفّة إفراجها

سمعت: مبروووك… إفراج!

حُسن سيرٍ وسلوك

حبل الغفران امتدّ

سور الذنب اتهدّ

والدنيا… الدنيا

فتحت شبابيكها الضلمة

ضحكت لك

ولا همّها حد🤍

سألت وقلت: يا ترى إيه جد؟

إزاي فجأة أغلالي تتفك؟

ردوا وقالوا: كانوا وزالوا

حَبّة ذنوب دابوا

في دموع توبتك

وخطايا اتمسحت

في لحظة سجودك

لحظة صدقك

خلاص… النور نور

والعتمة…

ماتت مقهورة

وسنين الحب المظلومة

راح تعوض 🤍