تفاصيل المنشور

وبقيت بتهرب م البيوت وعملت عشك عنكبوت ولقيت في نسلك م القطط كل أما بتفارق تموت.! الأوله.. الإنسان نبضك سريع مع إن رجلك هروله قلبك شجيع ميت شهيد الفروَله حبرك فظيع ينفع يدوق منُه الولا؟ مع إنُ يعني ملكش حل ياريت تجيلُه في مسأله "إنتَ البداية لكُل صوت قرر يدندن في الخلا". .. الثانية.. رحله المُر في حروفك ديوان بس السكوت أحلى الحبر في عيونك مكان بينور الكحله الكدب ليه رجلين بس الطريق سحله .. الثالثة.. رأيهم تقدر تجمع كلهم؟ وتقولي كام! من أول اصحاب الغراب ولحد مواليد الزحام الدُنيا زهقت صدعت حبت تسكت في البشر وهبت صاحبنا قرار عجب (يُدفَع ضريبة على الكلام) .. الرابعة.. ملعون إبليس في هذا العصر خفت سُرعته الناس بتعمل كل شيء فوق خطته قرر يسيب الشوكه مع راجل أمين خلّا الجميع كُفار مقابل مَلكِتُه .. الخامسه .. أحلام نفسك تكون؟ طب كُنت ! وأكون واكون لسه طب كُنت كُنت وكُنتها؟ وأكون واكون لِسه طب كُنت كُنت وبعدها؟ كُنت لأكون في المدرسة حصه. .. السادسة .. فارس 🏹 يشبهني حِلوك في المدى خطّين والنقطة وسط الورقة ليها دليل إحنا الزمالك، والحياة من غير أمل.. زي الخبيث ما يبدل الفناجيل زي المزور و المجامل والعويل زي ابن خالها إبن الغنا كتب الكتاب ..وحدفلك المنديل (إمسح دموعك بالأمل يا فقير) .. السابعة.. أقدار مكتوب في سعيك حكمتك يقتلها فكرك في القرار مكتوب بإنك مُختلف والجد مش نُص الهزار مكتوب طريقك ملتوي وبإنُه آخرُه الإنتصار مكتوب كمان إنك عبيط قبل أما توصل للهدف هتدوس زرار أحمد شهيد التجربة.. الشِعر كاتب شُهرُته بالإنتحار.! #أحمد_عادل_يونس ٢٠/٥/٢٠٢٦