تفاصيل المنشور

# كان واحشني كان واحشني الذكرى تصحى بنظرتين بيقولوا لي ما تخافيش إرمي همّك ع الكتاف وسط ضعفك تلقي جيش كان واحشني كلمة حلوة وضحكتين هما فين؟! كنت اقلب في الكلام ع الناحيتين واجبر المعنى اللي غاب لو بشدّة ونقطتين واقلب الضلمة بريق ياما مهّدت الطريق كنت اذوّق في الكلام يمشي للمعنى الجميل ألقى حرفه كان يخالف في المسار غصب عنه كان يميل كنت بانسى.. ياما بانسى وارمي أخطائك في بير واحبس الخذلان شعور واكفي فوقه ميت ماجور.. كان يفور والدموع تنزل سيول كنت وسط الموج لوحدي طفلة مش عارفة تعوم كنت فين وقت الخطر؟! والسؤال دلوقتي يعني لو يفيد هيفيد بإيه ما خلاص فات الأوان وعرفت اعوم مش هاقولّك ليه سايبني السؤال مالهوش لزوم والكلام اللي يناسبني قولته من غيرك لنفسي ألف حمد وألف شكر ع السلامة وع الوصول مش هاقول تاني واحشني مش هاقول #سماح_خليفة