محارب
من كام سنة كنت فاكر إن الدنيا خلصت...
سنة ضاعت من عمري، وحلم اتأجل، وناس بعدت، وديون اتراكمت، وضغط نفسي مكنتش أتمنى حد يجربه.
وفي عز كل ده... سمعت كلمة "كيماوي".
الكلمة اللي بترعب ناس كتير، لكنها بالنسبالي كانت بداية معركة جديدة.
وقعت؟ آه.اتكسرت؟ كتير.فقدت الأمل؟ في لحظات... آه.
لكن في كل مرة كنت برجع أقف تاني.
أنا مش بكتب الكلام ده عشان حد يشفق عليا...أنا بكتبه عشان أقول لكل واحد فاكر إن نهايته قرب:
ممكن تكون دي بداية جديدة.
لسه بحارب...لسه بتألم...ولسه عندي أحلام هحققها مهما طال الطريق.
والله ما هسيب تعبي يضيع، ولا هسمح لظروفي تكتب آخر سطر في حكايتي.
ربنا شاهد على كل دمعة، وكل وجع، وكل مرة قلت فيها: "يا رب".
وأنا واثق...إن بعد الصبر جبر،وبعد الليل فجر،وبعد كل معركة... نصر بإذن الله.
ادعولي...وإن شاء الله اليوم اللي هكتب فيه "الحمد لله... خلصت العلاج" هيكون أقرب مما أتخيل.
#الحمد_لله#محارب_سرطان#الثقة_بالله#لن_أستسلم#محمد_عاطف
18