تفاصيل المنشور

نفسي لو الموت افتكرني

تنادي الجوامع: ابني

تنشق السما لجسمي

وتبوح الشوارع بالبكا

كان طيب ويحبنا

وعاش دايماً يحلم لنا

آه، يا ريت أموت بدري

قبل الصبح ما يطير طيره

ويجري يتكعبل على عينه

والشمس تقيد الكون

يصرخ الديك: محمود!

مات قبل ما يبوس اللقا

يدبح أنين الناي السما

يسرب المطر حدوته

يحييني بألف صوره

هتفتكروني بالدعا؟

مش هنشوفك يا حودا

كنت تهزر رغم الأسيه

كأن الدنيا منسيه!

أمانة، ما تنسوني.....

وابكوا عليا ياما.....

لحد ما ينام التراب جوايا

ويفضل في قلوبكم هوايا

ودعوني بشوية عياط

ونوروا قبري بالقرآن

وأمانة، علقوني عالحيطان

كنت طيب... وجميل

ربنا يرحمك يا حبيب

يا اللي مت قبل الرحيل