احساس جوايا
لما بشوف بيوت مهجوره
في ناس ممكن تعدي الصوره
لكن أنا بقف مسحوره
وأتأمل كل مكان فيه ذكره
انفاس ناس لسه موجوده
ناس عاشت وحكايات مكتوبه
فيه لمسة ايد علي الحيطان محفوره
والساعه علي الجدران واقفه مكسوره
في ناس ممكن تعدي الصوره
لكن انا بعيش احساس زمان واللمه
بقف مقهوره علي فراق الاحبه
واتمني الزمان يرجع تاني
مهما كانت الايام فيها وجعي وحرماني
لكن كانت في ذكريات جميلة
لسه جوايا محفوره
واتخيل ناس عاشت هنا
واكون في خيالي صوره
كانت فرحانه حزينه ولا مجبوره
واعيش مع خيالي شريط ذكرياته منسيه
أيام وعدت عليه في ناس عاشت مبسوطه وناس ضحيه
حكايات وحكايات في البيوت المهجوره
خواطر حنان شوقي
9 مشاهدة