تفاصيل المنشور

أنتهت أيام حياتي

وأللي باقي من عمري ساعات

وكل دقة صرخة ف عذابي

حتبقى ذكرى م الذكريات

حسيب ورايا كتاب طويل

صفحاتة سودة زي ليل

مكتوب بدمعة من عيوني

وكل حرف بيصرخ أهات .

مستعد ليوم خلاصي

دي الحياة كانت مأسي

برد ومطر .. رحلة سفر

كأني عفور مكسور جناحي

الليل طويل بعيشة وحدي

وألف ويل من جرح قلبي

ورضيت بحكمك يا قدري

يبقى أللي باقي من عمري ساعات .

هرحل عن الناس والبشر

وألم أوراقي من السفر

وأضيع خلاص زي المطر

وأموت أنا من سكات

عمري ساعات بيمر دقة بدقة

ألم يشد وف لحظة بيهدى

وعيني تقفل واحدة واحدة

وأنا والتراب هنبقى صحاب .

لا عذاب ق قلبي يهدني

لا حبيب ياخدني ويذلني

ولا خوف في عيني من دمعني

مرت خلاص كل الساعات

شريط حياتي قدامي يعدي

وأخر نفس من قلبي خدني

لليل غميق بعيشة وحدي

وفكري سارح والخوف ملكني

البرد عمال يخطف في روحي

وادية ثابتة بين ضلوعي

جوايا ثابت من كياني

برفض رجوعي للي فات