تفاصيل المنشور

أمس قررت وبعد فترة من الابتعاد إني أرجع تاني لأحب حاجة في حياتي وهي الشعر، قررت إني أروح معرض دمنهور التاسع للكتاب، والحمد لله شاركت في ندوة تبع نادي أدب إيتاي البارود. كنت مبسوط جدًا إني رجعت تاني أقول شعر لأن بقالي فترة بعيد ومكنتش حابب أشارك في أي ندوة، وكنت مقرر إني أبعد جدًا.. كنت مشارك في حفلة في الربع الثقافي واعتذرت، كنت حابب إني أبعد عن الحياة كلها وعن كل شيء، وبقالي فترة وأنا مش عاوز أقرب من أي حاجة ولا أي شخص، حتى ليا نصوص في الجرائد اتقال إنها هتنزل ورفضت تنزل أو إني أتكلم عن أي شيء، حتى باقي حلقتي في التلفزيون المصري مانزلتش باقيها لحد دلوقتي، بل مسحت كل الفيديوهات اللي كنت مصورها وباعملها مونتاج لظروف كتير انكسرت فيها جدًا من كل شيء مش حابب أتكلم فيها.. بس حبي للشعر مقدرش أنساه، يا رب أنا مش أفضل شاعر بس بحاول. أنا بس حبيت أفضفض مع نفسي.