تفاصيل المنشور

يا طير كَن خاطرك مكسور

وأنا كِفاني الذي جاني 🕊️

القيض ماخذ علينا الدور

والحين جوّ البلد زاني

الله على خايعٍ ممطور

يجلي عن القلب الأحزاني 🌧️

قفرٍ خلا يطرب المسطور

ما دوجو به هل الضاني

العام جيته وأنا مسرور

واليوم عجلٍ وشفقاني

مشكور يا طيرنا مشكور

العام لك عندنا شاني 🦅

تطلع وتلحق بليا قصور

والجنس واضح بالأعياني

أشعل ضياحي تشع بنور

كن القمر بالنحر باني 🌕

بإذن الولي تب تشوف قفور

في خايعٍ يطرب العاني

حقك علينا يجيك الدور

خصّوك ذربين الأيماني

✍️ | الشاعر مشعل الحبيني