تفاصيل المنشور

عندي صديق متجوز جديد كتير عفوي وبسيط ويادوب بيعرف يقرأ كلمتين على بعضون اجاه جوال جديد هدية على عرسو وما عم يفهم عليه قال انو هادا اكبر من عقلو 😄 المهم طلب مني انقل الاسماء من الجوال القديم للجديد وبلشت انقل الاسماء ووصلت لعند ست الكل قلتلو مين هي ست الكل امك يعني قلي امي الله يرحمها هي مرتي حبيبتي قلتلو الله ياخدك حدا بيحب مرتو 🤣 تطلع فيني بدهشة وقلي انا ليش سمعت عن حدا بيكره مرتو قلتلو هوووو هوووووووو خير الله و تذكرت من مدة سألت صاحبي المتزوج القديم 😄 شو مسمي مرتك على جوالك قلي ع خطا الmtn او ع السيرياتيل قلتلو ع السيرياتيل قلي مأساة حياتي 😄 قلتلو و ع ال mtn قلي مأساة حياتي 2 ضحكت وقلتلو لهالدرجة قلي واكتر الجازة ورطة قلتلو طيب مابتحب مرتك قلي ما بكرها قلتلو يعني ما بتحبا قلي عمار ذوووق عم قلك ما بكرها وبس يلا لطيف حسيت اديش تقيلة ع لسانو كلمة بحبا قلي ما سألتني ع الرقم التالت شو مسميها قلتلو يحرء حريشك شو فاتح سنترال عندك بالبيت و عندا رقم تالت مرتك قلتلو اكيد مسميها مأساة حياتي 3 قلي ما حذرت مسميها ام المأسي كلون فكرتو عم يمزح وما صدقت لحتى فرجاني بعيني شو كاتب 😄😄😄 قلتلو لصاحبي يلي متجوز جديد لازم تغير هالاسم مرتك بتحب التغير يعني ما عطول ست الكل قلي شو عندك اسم جديد قلتلو ع الخط الاول ماسة حياتي يعني جوهرة حياتك وع الخط التاني شريكة عمري قلي حلو عجبتني الاسامي وبما أنو ما بيعرف يقرأ منيح كتبت ع الرقم الاول مأساة حياتي بدل ماسة حياتي وع الرقم التاني شربكة حياتي بدل شريكة حياتي وثبتت الاسماء وقلتلو تفضل كل شي جاهز وطلعت من الأسماء مشان ما يشوف شو كتبت المسا قاعد صاحبنا قعدة اُنس وسلطنة مع مرتو قلها اليوم نزلت الاسامي ع الجوال الجديد وطبعا مشان يفتخر بحالو ادام مرتو قلها انو هوي تشاطر وكتب كل الاسامي بدون محدا يساعدو قالت مرتو وشو مسميني ع الجوال الجديد صاحبي حسب ما خبرني بعدين انو نسي شو الاسامي يلي اخترعها انا العمى على هالورطة حاول يتذكر ما تذكر بس بما انو فلهوي دغري طالع حالو من هالورطة قلها مفاجأة دقيلي وبتعرفي لحالك والله المخلوقة ما كذبت خبر دقتلو من اول خط طلعلا مأساة حياتي تطلعت فيه بغيظ وقهر وتشردقت بريقها بس ما حكت دقتلو ع الخط التاني طلعلا شربكة حياتي هون طفح الكيل مع مرتو والتئمت منو وقالتلو شو يا بعدي ..... شو ياتؤبرني شو هالاسامي الحلوة يلي مسميني ياها عاشت الانامل والله آنَّش صاحبنا ورفع راسو لفوق وقلا ولوووو بتستاهلي اكتر من هيك ياقلبي قالتلو بستاهل اكتر من هيك 😮 يكتر خيرك والله فضلت على راسي من فوق قلها ولووو ياحبيبتي الفضل لله لو في كلمات اقوى من هيك ما كنت بخلت عليكي فيها قالتلو واضح حبيبي واضح هي اقوى الشي عندك لكن أنا مأساة حياتك وشربكة عمرك هادا يلي طلع منك ليش شو شفت مني لسه ما صرلنا متجوزبن اسبوعين من هون وهيك رح فرجيك المأسي يا تاج راسي ورح شربكلك حياتك شربكة قلها طولي بالك ... شو عم تحكي شو مأساة وشو شربكة الله وكيلك انا ما كاتب هيك قالتلو شو ما كاتب تفضل شوف بعينك وفاتت ع الاسامي بجوالو شو هادا .... وشو هادا يكتر خيرك والله تطلع بالاسامي وبالغصب اقدر يهجي الاحرف ويقراها الله يخرب بيتك ياعمار شو كاتبلي صار يتطلع بالاسم ويتطلع بمرتو ومعد يعرف شو يعمل ومرتو محرتنة فوق راسو وحاطة رجل ع الأرض ورجل ع الكنباية ومستعدة للانقضاض عليه😄 ما حب يخجِّل حالو ادام مرتو ويقلها انو عمار يلي كتب الاسامي لذلك حاول يلملم الموضوع قلا والله غلط مطبعي ما كان القصد متل ما بتعرفي انا ضعيف شوي بالكتابة وما بعرف كيف انكتبت هيك انا قصدي شريكة حياتي وماسة عمري حقك علي بعتذر والله وقام باس راسها بس ام راس كبير ما كانت ترضى بسهولة وقالتلو تفضل شوف شو كاتبة انا اسمك بجوالي وبصعوبة هجى الاحرف وقرا عمري كلو يا عمري انتي شكراا على هالاسم الحلو طبعا لازم تتشكرني وشو مشانك ... وكيف رخصت فيني هيك وضلت تعللو قلبو لحتى رضيت اخير يراضيها ويكفِّر عن غلطتو الكبيرة بعشا برات البيت مرتب وع الاول كلفو اكتر من 300 الف للمشحر المعتر وكتبت بإيدها اسمها ع جوالو تاج راس على اول خط وتاني خط شمس قلبي وقالتلو إن شاء بتغير هالتسمية 😡😡 وبعد كم يوم لما شافني رح ياكلني بلا ملح وقلي يا زلمة شو عملت فيني مزحتك كلفتني اكتر من 300 الف وعملتي مشكلة مع مرتي قلتلو اي مزح صدقني ما مزحت معك بشي قلي مزحة الاسامى ومأساة وشربكة وحكالي كل شي قلتلو صدقا ما بقصدي هادا الكيبورد عندك بيكتب وبيغير الاحرف على كيفو و انا كتبت ماسة وهوي كتب مأساة وما انتبهت وشربكة يمكن انا نسيان النقطة 🤣 قلي اذا هيك بسيطة تفضل شوف شو كتبت اسمها ع جوالي ويا ويلي و سواد ليلي اذا بغيير الاسماء عطاني الجوال شفت ع اول خط تاج راس قلتلو بقلبي خود هي مني وتحمل كنك بتتحمل قلتلو رح حطلك قلب احمر باول الاسم وبأخرو وهيك رح تنبسط مرتك كتير منك قلي اي .. اي بشرفك حط حذفت حرفين وكتبت بدل تاج راسي وجع راسي 🤣 وحطيت قلوب وصار هيك ❤️ وجع راسي❤️ وفتت ع الاسم التاني مكتوب شمس قلبي بسرعة حذفت شمس و كتب نواسة قلبي النايسة 🤣 وصار هيك ❤️ نواسة قلبي النايسة ❤️ ورجعتلو الجوال وقلتلو شي حلو الله يخليكون لبعض ويديم الوفق والمحبة 🤲🤲 وبعد كم يوم اتصل فيني ولااا عماااار شو عملت قلتلو شو عملت ... ولا شي قلي يعني ما انت مغير الاسامي قلتلو و غلاوتك عندي وبصحتك وبعافيتك ونظرك ما عامل شي قلي بما انك عم تحلف بصحتي وعافيتي ونظري صدقتك وصدقا رح انعل وانسل و البس نضارات كعب الفنجان من ورا حلفانك ولك انت معد تبطل هالحركات رح تخرب بيتي وتطلقني المَرَة يا زلمة روح تجوز وحل عني كلو هادا من غيرتك و دودك عم تعمل هيك ضحكت وقلتلو الله يهنيك لا دود ولا شي ليش شو صار قلي انت بتعرف شو صار ع كل حال يمين عظيم من مرتي انو جوالي ما تلمسو ايدك ويمين عظيم من مرتي انو ما اجتمع معك وأسهر عندك ولا تسهر عندي ويمين عظيم معظم انو اذا شفتك ماشي بطريق روح من طريق تاني يامحراك الشر 😄 ولهلأ ولبكرة ولبعد بكرة اذا كان ماشي مع مرتو بالشارع بيدير وجهو ع الطرف التاني او اذا اجت عينو بعيني بيسلم عليِّ بغمزة عين وهزة راس بدون ما تحس مرتو مع انو مرتو ما بتعرفي شخصيا ولا بعمرا شافتني بس مرتو راعبة كيانو وما عم يسترجي يتحلفص ادامها يااااحيف ع الرجاااال ياااااباااطل بقلم عمار الحمصي @المتابعون