تفاصيل المنشور

وصلتني رسالة من واحد بيسأل: شو أول شي لازم أشتريه إذا بدي أبلش نجارة؟ جاوبته قبل ما يخلص سؤاله: ولا شي. خد قطعة خشب من أي مكان بالبيت، ومعك قلم رصاص ومسطرة، وكفى. العادة اللي تعلمتها من معلّمي بالورشة أهم من أي أداة. قبل ما تقص، يسألني: قسْت مرتين؟ مش مرتين حرفياً، بس لازم تكون عندك عادة تتوقف فيها. أنا كنت أقيس وأقص بسرعة كأني متأكد، وطلعت القطع تحكيلي شو صار. وإذا بدك تتأكد من الزاوية، ما تصدّق الكونيا لحالها. حطها على حافة لوح مستقيم، ارسم خط، اقلبها وارسم الخط التاني فوق الأول. إذا طابقوا بعض فأنت تمام، وإذا لا فالمشكلة مش بالخشب. #نجارة #هوايات