وسم

صوت الملاحم جوا راسي سِياط مش عارفة أحدد دمي دا ولاّ دا كله عياط! قلبي وَرَقْ ولّا من ضعفي حيلتي رق!! عايزة أقاوم صمتي/ عايشه أكابر زق دايرة الحروب دُورة الساعات والدق لا روحي ردت جوّه لحمي الحي لا عتمة ضَوّت في الفؤاد و انشق . #رضاعبدالنبي

كان لينا بديل !! أو كنا عشان عينهم بنميل كات روحنا دليل وبقينا عشان مانكونش بعاد و يفوتنا معاد تايهين في بلاد مفيهاش أحباب يا نكون أقراب يا نشوفنا ف عينهم ضل سراب بيكون لما بيعطشوا في حنين هنعيش ..هنموت بينهم تايهين زي الحراس ف مربع شطرنج الدنيا بيضحوا بروحهم ويروحوا اختاروا سكات دون ما يبوحوا في حجات العمر رسمها خراب لو شفنا الدنيا بعين روحهم هتشوفنا الدنيا بعين أغراب #رضاعبدالنبي

إذا خايف ما تحضنيش / طبيعي الموت يغازلني صبية و كعبي شايلني / و داير يرتضيني الشوق إذا خايف تغني لي/ بلاش تحدف لي مواويلي بلاش ترميني مهزومة/ و أنا بضحك بلاهة و شوق و سِم الحزن ناوي لي إذا جاي لي تعالى قوام و ما تعوقش عشان ما يطولش أنا ليلي إذا حبيت ما تفرحشي/ إذا دايب ما تسرحشي إذا المكتوب ما بيلنشي/ ما تجرحشي إذا عينك جفنها هايم / بلاش ترسم على العايم و تنحت في اللي مش مكتوب عيونك سهمها مقلوب / و كفك حظه بات مغلوب ومين أصدق من الدقة و ربك أصله رب قلوب #رضاعبدالنبي

وعيون حبيبتي إذا شاءت آمنت إن المعجزة في النن وإن الجفون مأوى من التهميش وإن رادت المكحلة يقلع لها كل اليمام الريش والرمش طارح للهدوء سكة بين قلبي وبيني قلبها تكة واللحن يخرج عن مقام الصبا وحبيبتي أشطر من يهدي النسمة إن هلت علينا متعصبة #رضاعبدالنبي