تفاصيل المنشور

جايز تكون الدنيا زي الموج وأنا وحبيبي، شراع وقلب وضوء مربوطة توكتي الحرة بكلامه متشعبطة عيون طفولتي في كف إيده ( بكل شوق) جايز تكون الدنيا صلبة والأمنيات طافية على الميّه في ملل وأنا موجة ساكنة بين عيونه وعطفها تعلى وتسكن م الأمل وبقوله: عادي الحزن شيء فطري متخافش من طيفه عليا أنا زي موج البحر يا حبيبي يعلى في لحظة ويهدَى في عنيا ضحك كعادته في حل أحزاني ورد: ماشي يا موج. جايز تكون الدنيا زي الصخر وأنا خوفي راجع زي موجة دفا لكن أنا وحبيبي زي البحر ندوّب الدنيا في لحظة صفا ونرمي صخر الدنيا لو لازم ورا قلبنا (خليكي ويايا) كان الهوا طيّرلي فستاني وعيوني موجة بتهدى جوة عنيه وياك لآخر شط أحلامي وأنا ليا مين غيرك بيهواني؟ مين رجع البنت لدلالها غير عنيك؟ وياك لآخر موج في أيامي آلاء خالد