تفاصيل المنشور

ولقتني بسأل نفسي

كان ليه كل ده

متنطورين في الأفئدة /بين ده وده

مزحومين جوا الفضا

ملناش مكان حتي في خيال الليل

ملناش نصيب غير مالقسي والويل

ولقتني بسألني

أنا حزني ليه عمره ما خاف

يجي في مره وينقرض

وكأنه شي مكتوب عليا وانفرض

وكأني عايش بالدوا جواه مرض

وأنا مش سوي

او مش مهئ لمثل تلك التجربة

أنا عشت اداري في الوجع

وروحي جمبي متربة

ولقتني بوصفني وبقول

أرجوز تضحك كل خلق الله

لكن في حزنه يكون وحيد

أنت العجوز وأنت الصبي

وأنت البعيد مالناس قوي

أنت الهزيل المنطوي

وفي ثانية تقلب مفتري

صاحب رسالة ومش نبي

وخسرت ياما حروب كتير علشان غبي

وأنت الغريب اللي ملهش في اي جدال

وأنت اللي حالة بينقلب من حال لحال

ولقتني توهت فيا موصفتنيش

بعرفني جايز أو جايز أني معرفتنيش

ألاقيني ساعة الحرب ببكي

وألاقيني ساعة الفرح ملقتنيش

واقع في بحر التجربة غرقان

واقف وقلبي من القلق هلكان

رافض وصولي عشان جبان

وحزني أوسع من شقوق الحيط

متروك لوجعي السرمدي

قبل النهاية بخطوة واحده

الاقيه مصمم يبتدي

فاحضني كل أما الحياة تبوخ

وبشوفني برضو من بعيد لبعيد

وبحبني علشان وحيد

بكرهني برضو عشان وحيد

ولقتني تاية في الحياة وفيا

أول مجرم فالحياة وصاحب قضية

ألاقيني بس ومش هضيعني

أو ألاقي حد في وجعي يسمعني

شكل الحقيقة مصرة توجعني

شبح الحياة عفريت هيبلعني

الدنيا واسعة ومن فكري ما تسعاني