تفاصيل المنشور

بدأنا نهاية مفتوحة مِن بِداية ما غاب المَلاك

مش سامِع مِن الغار صوت غير صَدى الهَـ،ـلاك

فَقدت نِجمة كانِت تنسّيني كون الصّحرا طريقي

أتقل ما في العُمق كُلّه .. أنبوبة أُكسِچيني

سَجدولِك جَميع آلهة الإلهام وطَفُوا نَفْسُهم

كَتبِتِك كُل قصايدي .. اِللي للعامة كَتبتُهم

بِعِدتي، واِختارِتي العالم اِللي دايمًا مبيعِشّ

كَتبِتلِك في العِـ ـقاب الأبدي قصيدة مَنتهِتشّ

سِكنِتي فَجأة عُمقي وفَجأة سِبتيني بِطولي وبعْرضي

مِستغرب كُل الناس اِللي غِر.قوا وهُما على شَطّي!

مقدِرتِش أنساكي، ولا صَدّقت حد رِجع بِد.مِّك

مِن عين قنّاصة بِدون ذَخيرة يوميًا براقبِك

جَدِدِت فيّا الروح، ورميتني وحدي لأرض المو.ت

سِنين ... طافي على بحر ميّـ ـت بِلا موج

معرفش أنا مين و فين ولو جوا بيت المِراية

مَحدِش قَبلها ولا بَعدها جِه بعيني أو حَتّى بآية

نيجي هِنا ونُقف؛ ليه كُل النُسخ اِنتهِت مع بُعدها؟

ليه لما حاوِلت أنِكِر كونها مِحور كونّا دوقت سِجـ ـنها؟

سَقيتها شُهور مِن نَهر الخُلود ومِشيت بِكعب "أخييل"

والمُضحِك إنها سابِتلي فَردة كعب ومِشيت كِتيير!

إيه قيمة ترك الأثر واحنا صَبح طريقنا روما!؟

كُلنا قَطفنا مِن جَنة آدم الصِناعية اِللي أخِرها قومة

مبقِتش أشاوِر على السّما غير مِن فِناء بيتنا

أول ما قولنا من مكانّا "ده مكانّا" بَعدها سِكِتنا

لو مكُنتِش شَكّيت إنها ورايا كُنا هنتحرّر مِن الجحـ ـيم

رَميت العَصا بشَـ ـك..لفِّت عليا أنا التعابين ..

مغِرِ.قتِش إلا لما قولت: أنا وإنتي وبَعدِنا الطو.فان

عَالعَرش مُلوك عشان حَبسو.ا أجيالِك وصدّقوا العَرّافين

______________________