تفاصيل المنشور

الشوك منبت من آثار الشوق

غمَّضت عيني.. من الوجع.. فتَّحت

بصيت لفوق وانا روحي طالعه لفوق

بصيتي ليا لاقتني نازل تحت..!

تنَّحت فجأة وقولت خايف أفوق

وسلبتي روحي بدون ما أقول خايف

مش عارف أوصِف حِلم ولّا شروق؟!

مُبصر بطبعي بس مش شايف..

أنا نفسي فعلاً أبتدي في السُكر

وألغي قصايدي البِكر من سيري

بس البُكا يشبه لحلقةْ ذِكر

طماعنة فيا وسالبة تفكيري..

أنا قلبي باير من حروف الناس

وكفوفي طَبَعِت م الحياة ناسي

كاسي اللي سيبته وحيد وماشربتوش!!

نساني إسمي وهو مش ناسي..

وعملني شاعر ، واكتفى بسُكري

دَحرج قصايدي البور على حِجري

صديتها فجأة وقومت على رِجلي

وبقيت مبَطَّل شِعر .. أو راسي!!