صوت كبسة زر
ابن أخي دخل غرفتي وأنا جالس على الأرض أفرز سويتشات الكيبورد، مسك ملقط التفكيك وسألني:
- عمو، ليش فاتح الكيبورد كأنك بتصلح محرك طيارة؟
- مش تصليح، بدي أحط شحم خاص على السويتش عشان يصير صوت الكبسة أثقل وما يرنّ بالبلاستيك.
صفن فيّ وقال:
- يعني عشان كبسة المسافة تعمل طق مش تك؟
- بالزبط.
هز راسه وهو طالع من الباب:
- ستي معها حق، والله إنت فاضي أشغال.
طبعاً بعد ساعتين شغل، ضيعت سبرينغ صغير وزر الإنتر معلق، بس الصوت طالع رخيم ينسيك التعب.
#هوايات #تجارب