تفاصيل المنشور

فيه مواقف في الحياة الكلام فيها بيقلل من قيمتك، وتبريرك بيتشاف على إنه ضعف.. اللي عايز يفهمك غلط هيفهمك غلط حتى لو فرشتله الأرض إثباتات، واللي حاطط فكرة مسبقة في دماغه مش هيغيّرها بطول لسانك ولا كتر كلامك.. لو كان فيه فايدة في التبرير، والشرح الزيادة للناس ماكانتش السيدة "مريم" قالت: ﴿فَلَنْ أُكَلِّمَ الْيَوْمَ إِنسِيًّا﴾ - سورة "مريم" ٢٦ عشان كده السكوت مش عجز، والتجاهل مش قلة حيلة، والإنسحاب ساعات بيكون عبادة وراحة للدماغ.. وفّر مجهودك.. لما تفوض أمرك لربنا، هو بيتكفّل بالرد وبالتوضيح بطريقة ترضيك.. سيب الباب موارب للهدوء، وللرد الرباني. #في_الهامش_مع_احمد_اشرف