تفاصيل المنشور

يا رب سارح بالدموع ع الخد

وانا زي حالي دمعتي ع القد

سرّحني في الكف اللي يمسحها

ابسط لي إيدك كل لطفك يد

في نسمة لما بيتفتح بابك

تبني على مجرى المدامع سد

صورتي في مرايتي عاجزة تحضنّي

نزلت دموعي حضن من غير حد

سالت سؤال هربان من التفسير

من إمتى كان الحزن هو الرد؟

والكدب سارح بالشحاتة كسيح

لو كان برجلين كان زمانه اتهدّ

يا رب تكسي دمعتي بإيدك

كلّي دموع عريانة وسط البرد.