وسم

ترتاح الدكة بتقل الناس

واحنا لبعضينا دكك أو حضن

ناس قعدت.. بالموت ما قامتشي

أو ناس من كتر معزتهم

الدكة ورا نعوشهم تمشي

وإنتي اقتباسي اللي شَرَح قلبي

سطر القصيدة اللي وراه: "الله"

مكتوب عشانك بس بإرادتي

كلمة "حبيبتي" قصاد عينكى حياة

في مراية الروح.. أنا تفاحة

وقعت من الجنة لوحديها

على واحد مات وحده من الجوع

واقف كما شجرة بتتمنى تبقى فْ ضلها

مش دايمًا شمسيّة لغيرها

فصبّ الملح جوايا مع الذكرى

أبويا نص جميل ما كملش

ومات وخد قفلته وياه

قصيدة متشالة على النعش

لا أقدر أطولها ولا أبقى معاه