تفاصيل المنشور

سلسلت ايدي لما قالت ليّا

"ما تيجي نشحت م البشر الحنيّة"

أنا عندي أموت ولا إني اشوفها فـ يوم

تترجى واحد مش سليم النيّة

-

بطّلت ابكي والعياط حوّشته

وحنيني ليها فـ الفؤاد دشدشته

أنا عندي أموت ولا إني أبان فـ عينيها

إنسان بيسعى ينتحر من عيشته

ـ

عوّدت نَفسي من زمان ع الغرق

مع إن حلمي لسة فيه الرمق

أنا ممكن أقبل إني أموت لو موتي

هيكون له معنى مش كلام على ورق

ـ

فوّضت أمري للي ليِه الأمر

يدّيني فرصة ألقى أي مفر

طول عمري عايش فـ الحياة مضطر

.

الدنيا قطر ..

والسبنسة زحام

مليانة ناس أحلام على أوهام

أفعالي نقطة فـ بحر كله كلام

.

ماعرفش امتى ههتدي للبر

.

اختارت ابطّل ادّي نفسي وعود

طول ما الطريق فـ عينيا مش موجود

يا رب اوصل قبل ما لقى الدود

.

عمّال بياكل جتتي فـ القبر