Mostafa Mahmoud

*أكمل الفراغات وقولّي

أكمل الفراغات

*الحياة .....

-طاولة يا خِلّي وكلها رهانات

*والبشر .....

الليالي واخدة صفِك

بتنميها إزاي قوليلي

الليالي واقفة ضدي

كل ماجي أنام تجيلي

.

30 سنة

-يا دنيا إمتى لمّا أنْدهلِك

متطنشيش صوتي اللـ راح فـ الندا

طب نوّليني رشفة من شهدِك

والمُر يبعد عنّي لو يوم كدا

.

ضعيف وضعفي الشيطان بيحبه

بيخُش منُّه لحد باب الروح

أوِّل ما أقول

"أعوذ بالله" يجري

أوِّل ما اسكت

كُل أما باحدِف سهم بيجلّي

وأرجع اشيل الهم بالملّي

وارمي بواقي الحلم فـ السكة

واسقي خدودي دمع م المغلي

.

-فاردة القهاوي 100 دراع

الخوف صديقي.. مع إني مبطيقهوش

والضعف شرْحُه.. ملازمني فين ما بروح

البُن كيفي.. والشاي دا معاشرتوش

والصمت طبعي.. ملعون أبوه البوح

.

سلسلت ايدي لما قالت ليّا

"ما تيجي نشحت م البشر الحنيّة"

أنا عندي أموت ولا إني اشوفها فـ يوم

تترجى واحد مش سليم النيّة

-

دخلت رهان بدون ما يكون

فـ إيدي ضمان بإني هآوش

و رغم الناس قالولي بلاش

فِضلت مصمم إني هاخش

.