وسم

آمِن كتير للناس، وف عُمرُه ما سألهم جِه ف مَرَّة مَد ايديه.. قَطَعوها بِسنانهُم. #كيرلس_عطية #بين_سبحتين_وصليب #شعر #مجتمع #قصيد

اخطفيني نجمة من بين السما هتلاقيني بين ايديكي السود بياض خربشيني تكسبي قلبي البسيط واعرفيني زي ما انتي بتعرفي كل شيء من غير ما اقول دخّليني أسفل الكِتف الشمال وقتها.. هتصدّقي أد ايه صعب ومُحال لما أقولك: فكّري فيا من ناحيِة حَبيب لما أقولك فكّري في الجواب.. من غير سؤال فيا عاهة من اللا ديني فيا كُفر الملحدين فيا من ناحية يميني كل شيء كان غير سليم بس عايزِك تعرفي إن قلبي المستقيم مال لقلبِك وقتها كَفَّروه المؤمنين بس لحظة من الثواني حوّلوني لحدّ تاني لمّا بتكوني في ضلوعي لازم أتحوّل أناني أصل عندك كلهم هيشوفوكي واحدة سهلة يعزموكي لـ مُر قهوة يحضنوكي الحضن شهوة بس مش شايفين وَتينِك لمّا نبضُه يتوه لوهلة وأحضنك… فيسبّوا دينِك قرّبيني لناحيتك فاشهد إنك شيء خرافي هما شايفينِك عادية بس بيشوفوا احترافي لمّا أعدّي في كعبِتك بس مش شرط أبقى حافي عمّديني أُردُني عامل تفاوض غطّسيني نبقى جدّدنا العلاقة الصداقة حبري وسّخها بقصيدة قدّريني لمّا أشوفِك كل يوم بعيون جديدة وابقي هاتي المحفظة حاسبي ع الطرحة العزيزة ولا أقولك؟ هاتي إيدِك… أصل هنخشّ الكنيسة هاتي شمعة ولّعيها إنتمائِك مش ضروري لو إيمانك جوة زمزم هاطرُدُه بريِحِة بخوري وارجِم الأفكار في راسِك لمّا نوصل حارة سدّ فـ تزوريني كل جمعة واجي أزورِك كل حدّ. #كيرلس_عطية #بين_سبحتين_وصليب #شعر #مجتمع #قصيد

من إمتىٰ فارقَك حد مانسيتهوش ؟ أو حد وَعَدَك وَعد نفِّذ بيه ! كل اللي قال "ضَهرَك " لَفِّيت ومالقيتهوش فَـ بَلاش تزيدوا سؤال .. كان مَحني ضَهرَك ليه ؟! #كيرلس_عطية #بين_سبحتين_وصليب #شعر #مجتمع #قصيد

إهداء .. لابويا عشان يشهد ع النجاح المرة دي ولجنّتي ع الأرض عشان .. دايمًا بتسمعني بدون ملل ولو فيا وَساخِة الكون مابتشوفهاش ولباقي أهلي عشان .. دايمًا شايفينّي عادي لكل واحد شاف فيا بِذرِة أمَل .. للأكيد ، والمحتمل لخلود .. عشان مهمة زي نور بالليل لفاطمة .. عشان دي الحقيقة المتدارية وكل دليل. لعيالي المستقبلية ولاد الناس الأكابر اللي عافروا عشان ينولوا لأشرف خلف .. "اخويا الكبير" بابا المجالس والنصيحة الطيبة وكلام ماينفعش أقولُه لـ ماكس .. صاحب الضحكة الجميلة والإفيه .. لعمرو الجندي .. البيه اللي من غير بِدَل وَجهَة حلوة .. للزعل .. اللي عُمرُه ما طَوِّل لترنيمة .. حلمي اللي هابدأ فيه من الأول لـ روكي .. صاحبي الوحيد أبو جِلد أبيض تَلج الدافي الحنَيِّن الوحيد اللي شبهي لما اكون فرحان أو حزين كائن جميل .. باربع رجول ؛ وعينين لشَخصي القديم والحالي .. ولأي جايزة جات .. أو ماجاتش أنا لا أُبالي .. لكل جَميل .. مَد ايد المُساعدة ولعشريناتي .. اللي ضاعت عالمافيش وللسودا الطرية .. ولباقي الحشيش .. #كيرلس_عطية #بين_سبحتين_وصليب #شعر #مجتمع #قصيد

مين اللي قال القهوة بتسهّر ؟ جرّب تفارق حد كان لَك كيف. #كيرلس_عطية #بين_سبحتين_وصليب #شعر #مجتمع