تفاصيل المنشور

تجمّد دمي الفاير وسط قلبي وشرياني

وطاحت دمعتي طيحة ندى في زهرة البستان

وهمي كلما اتناسيت غزوة... قال ينساني:؟

ابد. ينسى جميع الكون وانا خارج النسيان

وكير الياس يحرق فلّ آمالي وريحاني

وانا المحروق في الواقع وانا الرابح وانا الخسران

احاول ارسم احلامي على ليحان شطئاني

بلون البحر مستمتع وخايف موجة الطوفان

من الاخر انا تايه واحس أني احد ثاني

احد ثاني عن الماضي احد ثاني عن اللي كان

وحتى حرفي اللي كان لي خاتم سليماني

دخل بيني وبين ابكار فكري حضرة الشيطان

وفرقنا وباعد بين صدر اللوح وألواني

وخلاني لحالي منفرد بين أربعه حيطان

أشكل في جدار الصمت رسمة بوح كتماني

ويغلب بوحي الصامت بقايا كلمة الكتمان......